Envío de propostas para esLibre 2026

Coñeces a alguén que podería querer falar no congreso? Envíalle esta páxina a quen queiras, agradecerémoscho se nos axudas a chegar a máis xente.

esLibre é unha xuntanza de persoas interesadas na divulgación da cultura libre e as tecnoloxías libres, tanto na forma de software libre como na forma de hardware libre, así como das comunidades que fan isto posible. A próxima edición será tamén presencial (aínda que haberá opción de seguila online) os días venres 17 e sábado 18 de abril, sendo nesta ocasión anfitrioas as comunidades de Melisa e GALPon.

Nese sentido, tentamos manter un evento anual onde todo o mundo está convidado a participar, o único que precisa e ter algo que dicir sobre o mundo das tecnoloxías ou da cultura libres. Interésannos persoas de tódalas idades, experiencias e perfís xa sexan técnicas ou usuarias. Desexamos escoitar e aprender de todas elas e o noso obxectivo principal é chegar a comunidades de todo tipo.

Temática

Software libre, hardware libre e cultura libre son a temática central de esLibre, mais o que realmente queremos é conseguir un evento onde atopemos tanto actividades técnicas como outras dun nivel máis divulgativo, ou mesmo que dean pé a debates para compartir diferentes olladas sobre aspectos do mundo do coñecemento libre. Isto pode comprender comentarios sobre licenzas de publicación, aplicacións e desenvolvemento de diversas tecnoloxías, intereses e inquedanzas que queiran as presentar diferentes comunidades, ou a exploración e divulgación da arte e das humanidades.

En liñas xerais, temas relacionados directamente con obras (software, hardware, cultura, etc.) que se distribúan con licenzas libres. Aínda que non ten que ser algo estritamente tecnolóxico, toda proposta que se incline máis ao ámbito máis puramente divulgativo, mais que se entenda que cumpran a definición de obra cultural libre tamén encaixaría perfectamente. Tes algo no maxín? Anímate!

Aínda que moito software libre (e en xeral obras libres) distribúense comercialmente sen que isto presente problema ningún, queremos manter esLibre como un foro neutro con respecto aos intereses comerciais e outras temáticas que consideremos «nocivas». En xeral, non se aceptarán relatorios ou palestras, obradoiros nin ningún outro tipo de actividade que promovan especificamente unha oferta comercial ou temáticas relacionadas con criptomoedas.

Tipos de propostas

Hay varios tipos de actividades que podes propor (mais non só):

• Relatorios. Presentación típica que pode ser duns 30 minutos aproximadamente de duración ou en formato relampo duns 10-15 minutos (o que pode ser ideal para presentar ese proxecto que tes nos miolos ou que aínda non presentaches nunca, mais do que che gustaría escoitar opinións 😉). A organización poderá propor cambios de formato a algún dos relatorios, por mor de contidos ou por causa organizativa. Tamén poderá, de xeito excepcional, propoñer algún relatorio nun formato máis longo.

• Obradoiros. Exposición algo máis práctica que pode ter moitos formatos, desde demostracións onde as persoas que asistan poidan seguir unha especie de «paseo guiado» pola temática do obradoiro, ata sesións de iniciación a unha tecnoloxía onde se poida experimentar con ela; en xeral, calquera formato práctico que poidas considerar que sexa interesante para dar a coñecer algo.

• Salas (devroom). Tamén podes propor o programa dunha sala, que se realizaría en paralelo co resto de actividades do congreso. Normalmente unha sala estará organizada por unha comunidade específica e estará centrada nun tema concreto. Por exemplo, salas presentadas outros anos:

  • Software Libre na Universidade
  • Divulgación da cultura libre
  • Privacidade e dereitos digitais
  • Tecnoloxías para o fomento de linguas autóctonas
  • Desenvolvemento en Perl/Raku, GNOME, programación funcional…

• Mesas/expositores. Se pertences a algunha comunidade ou desenvolves algunha actividade relacionada co software libre, o hardware libre ou a cultura libre e gustaríache dispor dun espazo para falar sobre ela dun xeito máis informal coa xente que pase por alí, habilitaremos unha zona con mesas onde tamén deixar cousas como adhesivos, panfletos, chapas o similares para dala a coñecer.

• Espacio miscelánea. O coñecemento non só se comparte en forma de relatorios e obradoiros, así que é posible que tamén queiras participar doutro xeito que non implique ningún destes formatos, deixámosche aquí outros tipos de propostas que poderías enviar para participar no esLibre máis ao teu xeito:

  • Artigos. Teremos un apartado na web onde expoñer publicacións realizadas que queiras compartir e que che gustaría que as persoas puidesen coñecer, podendo ademais establecer algún medio de contacto para formular cuestións ou simples comentarios se así o desexas.

  • Pósters. Semellante ao anterior, mais apoiándose nun medio físico que se podería expor durante os días do congreso. O que podería dar lugar a conversas sobre diferentes traballos no caso de atopar outras persoas interesadas na mesma temática.

  • Taboleiro de proxectos. Se hai un proxecto de software libre de calquera ámbito sobre o que che gustaría que se fixese eco, mais prefires que sexa dun xeito máis informal ou sen ter que asumir o foco de atención como nos tipos de actividades anteriores, tamén podes propolo e poñeremos os medios para reunir xente que poida estar interesada no mesmo proxecto.

  • Otros formatos. Usa o teu maxín! Propón outros formatos, temos moito interese en explorar outras formas de compartir coñecemento 🐧.

Interésame impartir un relatorio, mais... cómo?

Non impartiches nunca un relatorio mais queres estrearte? Neste evento encantaríanos acompañarte nesa aventura. Somos conscientes de que impartir un relatorio pode ser un reto importante e por iso queremos darche unha serie de pautas que che axuden a expoñer aquí (ou onde sexa). Deixámosche unha lista de recursos para facer exposicións sen empregar un «powerpoint» (🙃): Markdown, LaTeX, Marp, Pandoc…

De novo, todo isto son suxestións. Crea a túa presentación como queiras e se necesitas máis guía e axuda non dubides en preguntar por ela á organización. Para inspirarte, deixámosche unha lista de relatorios en liña que podes ver agora mesmo:

Aí fora hay un feixe de proxectos interesantes libres nos que participar, ou empregar. Podes comezar por buscar un sistema operativo libre que sexa coherente coa túa personalidade, ler algúns [proxectos de desenvolvemento web nun blog libre(https://dev.to/ben/devto-is-now-open-source-5n1)] ou de metasoftware-libre neste outro. Tamén podes explorar as diferentes redes sociais libres do Fediverso como Mastodon. Dá unha volta por estes proxectos e se che gustan, ven ao evento para coñecer moitos máis.

O noso compromiso pola diversidade

A organización comprométese a crear un ambiente seguro, non tóxico e diverso, polo que encantaríanos dar voz a relatores das varias comunidades minoritarias que fagan uso ou desenvolvan software, hardware ou cultura libre. Somos conscientes de que hai moitas persoas que usan e crean tecnoloxías libre e apoian activamente a divulgación da cultura libre, e moitas veces non son escoitadas, queremos cambiar iso: ofrecemos o noso micrófono e espazo para que se fale desde estas comunidades.

Desde a organización queremos aprender e crear pontes, para que a tecnoloxía sexa (ao fin) unha ferramenta de apoio e colaboración: buscamos un futuro colaborativo, multidisciplinar e libre.

Buscamos tamén que as diferentes comunidades nos fagan saber o que queiran contar desde o desenvolvemento ou a experiencia usando software libre, por iso tamén gustaríanos coñecer iniciativas nesta liña de acción que poderían propor desde o equipo de organización local.
Algunhas das liñas nas que traballamos desde a organización xeral:

• Establecer mecanismos activos aos que recorrer doadamente para asegurarse de que o código de conduta se cumpre rapidamente ante calquera comportamento alertado que o incumpra sen excepción nin para relatores, organización, asistentes ou participantes de esLibre. Podes atopar todo isto detallado na propia páxina do código de conduta.

• A diversidade non debe centrarse unicamente no xénero, por iso queremos fomentar que haxa distintos tipos de participación que tenten diminuír o sentimento de exclusión que poidan sentir as persoas sen importar calquera aspecto da súa condición humana: orixe étnica, relixión, identidade de xénero, idade, habilidades físicas e experiencia ou outras características da súa identidade.

• Queremos facer doada a participación de persoas que teñan responsabilidades de coidados, algo que aínda que pode ser unha barreira para a asistencia e envío de propostas tanto para homes como para mulleres, a responsabilidade adoito recae en gran medida nas mulleres. Así que este ano tamén disporemos un servizo de coidado para a cativada que poderás solicitar desde esta páxina.

• Realizar unha comunicación activamente diversa e inclusiva mediante diferentes canles de comunicación, tentando que todo o material fornecido pola organización se atope en formatos que sexan facilmente lexibles por persoas con algún tipo de dificultade de lectura.

Grazas aos patrocinios de que dispoñemos actualmente (e que seguimos tentando aumentar), nesta edición de esLibre poderemos ofrecer algúns paquetes de axuda financeira para custear o desprazamento e/ou o aloxamento de persoas pertencentes a grupos ou colectividades que consideramos prioritarios co obxectivo de facilitar a súa participación, polo que queremos destinalas a mulleres e en xeral a persoas de xéneros infrarrepresentados en esLibre, así como a persoas en situación de discapacidade, neurodiverxentes e/ou neurodiversas e outras situacións semellantes, así como a persoas en situación de precariedade económica.

Se pertences a algúns deses colectivos e queres mandar unha proposta, podes facer a solicitude de axuda desde o propio formulario de envío de propostas.

Datas

Cómo enviar a túa proposta

O envío de propostas está aberta a todo o mundo, todas as propostas recibidas poderán seguirse en todo momento para garantir transparencia e comentarios, poderanse enviar mediante los formularios que atoparás nas seguintes ligazóns:

Todas as propostas para esLibre que se envíen mediante estes formularios quedan rexistradas no noso repositorio de propostas. Se for preciso clarexar calquera cuestión ou facer algunha suxestión, farase tamén nes mesmo lugar, polo que non o perdas de vista. En calquera caso, unha vez que rexistres a túa proposta mediante o formulario, Chegarache un correo electrónico coa información da participación rexistrada e a ligazón directo á túa proposta dentro do repositorio.

Se tes problemas de calquera tipo ou calquera dúbida, podes escribirnos a propuestas@eslib.re.