esLibre Edición 2026

esLibre é un encontro de persoas interesadas na divulgación da cultura libre e as tecnoloxías libres.

A cultura libre é unha corrente de pensamento que promove a liberdade na distribución e modificación de traballos creativos baseándose no principio do contido libre para distribuír ou modificar traballos e obras creativas, usando Internet así como outros medios. É un movemento que se contrapón ás medidas restritivas dos dereitos de autor, que varios membros do movemento alegan que tamén obstaculizan a creatividade.

A cultura libre está conformada por catro correntes de pensamento: O dominio público, o Copyleft,as Licenzas Creative Commons e o software libre. As obras en dominio público poden utilizar tamén formatos libres.

Hoxe en día, a expresión é sinónimo de moitos outros movementos, incluíndo o hacker ou o movemento copyleft, entre moitos outros.

Polo de agora isto é unha primeira aproximación a todo o que traerá esta edición, na que contamos coa colaboración do Concello de Melide, Librebit, Aitire e do Museo da terra de Melide. Agardamos ir engadindo aquí máis empresas e entidades colaboradoras.

Como todos os anos, devagar iremos incorporando detalles co obxectivo de dar máis facilidades á participación e asistencia a esta nova edición.

Sobre o congreso

Seguiráse o mesmo formato que en años anteriores: relatorios, obradoiros, mesas de comunidades e exposicións, salas organizadas por comunidades… contando co apoio de colaboradores como Interferencias, LibreLabGRX, OfiLibre de la URJC ou Wikimedia España, que axudarán na organización e sumarán esforzos na realización desta edición en formato híbrido presencial/virtual.

O envío de propostas está oficialmente aberto nunha primeira fase ata o 25 de decembro deste ano en curso (2025) e unha segunda fase ata o 10 de xaneiro, xa de 2026, así que podes informarte sobre cómo propor actividades para o congreso na páxina de envío de propostas.

Como chegar

Dende fora de Melide, tanto se chegamos dende Galicia coma dende calquera outro punto de estado, poderemos chegar á estación de tren (Adif/Renfe) de Santiago, chamada «Estación Daniel Castelao». Esta estación está na «Estación Intermodal» xunto coa estación de autobuses, onde poderemos tomar o autobús que nos vai levar ao noso destino. Para iso, ao saír dende o tren, dende a plataforma, subiremos á pasarela, aí colleremos cara a esquerda e iremos á estación de buses.

O «bus» dende Santiago ata Melide, neste momento, xa que estamos agardando que se inaugure a autovía, leva sobre unha hora e sae ás 7:00, 9:00, 11:00, 12:45, 15:15, 16:00, 18:30 e 20:000 horas. Buscador empresa Monbus Buscar por orixe «Santiago de Compostela (estación intermodal)» ou «Lavacolla de Santiago» e destino «Melide».
Temos previsto, se é preciso polos horarios de chegada, dispor nós un autobus directo exclusivo, sempre que haxa propostas/solicitudes.

Se chegamos en avión ao aeroporto «Lavacolla-Rosalía de Castro», teremos que saber que eses mesmos autobuses pasan polo aeroporto, con parada xusto diante da terminal, apenas 9 minutos após, e que, se hai propostas/solicitudes, o fletado por nós pasará tamen polo aeroporto.